Məxfilik siyasəti

Son yenilənmə: 25 oktyabr 2026

1. Hansı məlumatları toplayırıq

• Hesab məlumatları: telefon nömrəsi, ad və soyad, doğum tarixi, profil şəkli (istəyə görə).
• Yer məlumatı: sifariş verəndə və gediş zamanı cihazınızın yeri; sürücülər üçün — xəttdə olduqları müddətdə maşının yeri.
• Gediş məlumatları: ünvanlar, marşrut, vaxt, qiymət, ödəniş üsulu, reytinq və şikayətlər.
• Yazışma və zənglər: tətbiqdaxili mesajlar (tərcümə istəsəniz, mətn tərcümə xidmətinə göndərilir) və tətbiqdaxili səsli zənglərin texniki məlumatları (zənglərin səsi yazılmır).
• Şəxsiyyətin təsdiqi: şəxsiyyət vəsiqəsinin şəkli, selfi və FİN — bonus proqramı, sürücü və ya avtopark qeydiyyatı üçün.
• Sürücülər üçün əlavə: sürücülük vəsiqəsi, avtomobil sənədləri, buraxılış vəsiqəsi və kartı, tibbi arayış, məhkumluq haqqında arayış, avtomobilin şəkilləri, balans və ödəniş tarixçəsi.
• Ayıq sürücü xidməti: maşının qəbul və təhvil şəkilləri, zaminlərin adı və telefon nömrəsi.
• Şirkət hesabları: şirkətin adı, VÖEN, işçilərin adı və telefon nömrəsi, gediş qaydaları və hesabatlar.
• Texniki məlumat: cihaz modeli, əməliyyat sistemi, bildiriş açarı (push token), xəta hesabatları.

2. Məlumatları nə üçün istifadə edirik

• Sifarişi qəbul etmək, sürücü tapmaq, marşrut və qiyməti hesablamaq.
• Sərnişin və sürücünün təhlükəsizliyi: sənədlərin yoxlanması, SOS, şikayətlərə baxılması, fırıldaqçılığın qarşısının alınması.
• Ödənişlər, komissiya, bonus və dəvət proqramlarının hesablanması.
• Bildirişlər göndərmək (gedişin vəziyyəti, bonus, xəbərdarlıqlar).
• Xidmətin işini yaxşılaşdırmaq və xətaları aradan qaldırmaq.
• Qanunla tələb olunan hallarda dövlət orqanlarının sorğularına cavab vermək.

3. Hüquqi əsas

Məlumatlarınızı "Fərdi məlumatlar haqqında" Azərbaycan Respublikasının Qanununa uyğun olaraq, qeydiyyat zamanı verdiyiniz razılıq, xidmət müqaviləsinin icrası və qanuni öhdəliklər əsasında emal edirik. Razılığınızı istənilən vaxt geri götürə bilərsiniz — bu halda hesabınız bağlanır.

4. Məlumatlar kimə ötürülür

• Sürücü və sərnişin bir-birinə: gediş üçün lazım olan qədər — ad, telefon (tətbiq vasitəsilə), götürmə yeri, maşının markası və nömrəsi, reytinq.
• Şirkət hesabı: şirkət hesabından gedən işçinin gedişləri həmin şirkətin rəhbərinə görünür.
• Zaminlər: ayıq sürücünün cəriməsi zaminlərə bölünəndə onlara məbləğ və səbəb bildirilir.
• Texniki xidmət göstərənlər (yalnız xidmət üçün lazım olan həcmdə): Supabase (verilənlər bazası və fayllar, server Avropa İttifaqında — Fransa), Google (xəritə, ünvan axtarışı, marşrut və tərcümə; Firebase — bildirişlər), Agora (tətbiqdaxili səsli zəng), Sentry (xəta hesabatları), Telegram (daxili dispetçer bildirişləri), Cloudflare (sayt), OpenStreetMap / OSRM / MapTiler (xəritə və marşrut).
• Dövlət orqanları: yalnız qanunla nəzərdə tutulmuş hallarda və qaydada.

Məlumatlarınızı reklam məqsədilə üçüncü şəxslərə satmırıq.

5. Məlumatların saxlandığı yer və müddət

Məlumatlar Avropa İttifaqında yerləşən serverlərdə saxlanılır. Hesabınız aktiv olduğu müddətdə saxlanılır; hesabı sildikdən sonra mühasibat, vergi, təhlükəsizlik və mübahisələrin həlli üçün qanunla tələb olunan müddətdə saxlanıla bilər, sonra silinir və ya şəxsiyyəti müəyyən etməyə imkan verməyən formaya salınır.

6. Hüquqlarınız

• Haqqınızda hansı məlumatların saxlandığını öyrənmək və surətini almaq.
• Səhv məlumatın düzəldilməsini tələb etmək.
• Hesabın və məlumatların silinməsini tələb etmək (tətbiqdə: Profil → Hesabı sil, və ya bizə yazın).
• Razılığı geri götürmək və emalın məhdudlaşdırılmasını tələb etmək.
• Hüquqlarınız pozulduqda səlahiyyətli dövlət orqanına müraciət etmək.

Sorğular üçün: [email protected]. 30 gün ərzində cavab veririk.

7. Məlumatların qorunması

Bağlantılar şifrələnir (HTTPS), bazaya giriş səlahiyyətə görə məhdudlaşdırılıb, sənəd şəkilləri yalnız yoxlamanı aparan əməkdaşlara görünür. Heç bir sistem tam təhlükəsiz deyil — şübhəli hal görsəniz, bizə xəbər verin.

8. Uşaqlar

Tətbiqdə hesab açmaq üçün 18 yaş tamam olmalıdır. Uşaq üçün sifarişi böyük şəxs "başqası üçün sifariş" ilə verir.

9. Dəyişikliklər

Bu siyasət dəyişəndə yeni mətn burada dərc olunur və vacib dəyişikliklər barədə tətbiqdə bildiriş göndərilir.